الرئيسيةالبوابةاليوميةس .و .جبحـثالمجموعاتالتسجيلدخولالقران الكريمرفع لفاتالادارة
لأنـنـآ نـعـشـقِ التـميز والـِمُـِمَـِيّـزِيْـטּ يشرفنـآ إنـظمـآمڪ معنـآ فيـے مـنـتـديـآت ابو عوض  أثبـت تـوآجُـِدڪ و ڪـטּ مـטּ الـِمُـِمَـِيّـزِيْـטּ..!

شاطر | 
 

  قصة بنت مع ابن جيرانهم

اذهب الى الأسفل 
كاتب الموضوعرسالة
ريان
rayan
rayan
avatar


الوظيفة :
الهواية :
المزاج المزاج :
عدد المساهمات : 247
تاريخ التسجيل : 16/02/2011
الدولة :
MMS : دعاء

مُساهمةموضوع: قصة بنت مع ابن جيرانهم    الأحد مارس 06, 2011 3:47 pm


هذة القصة حقيقية 100%


وصاحبتها اعرفها حق المعرفة وعندي روايتها كاملة

وهي من سمح لي بعرضها لكم...




اتمنى تستمتعون بقرائتها....



قصتي مع الشخص اللي حبيته بجنون ولد الجيران,,,
للتمويه بيكون اسمه عبدالله وانا روان

بحكيلكم قصتي يمكن الشي اللي شايلته من حوالي 15 سنه بقلبي ولاعلمت احد لاقلته ارتاح شوي لأني عانيت كثير لحد ماوصلت لليوم هذا
مااحل أي احد ينقل القصة ويغير فيها وقصتي حقيقيه ماعدا اسامينا


قصتي معاه بدت من لما كنت بالمتوسطه


او بالأحرى من لما سكنا جنبهم وصرنا جيرانهم حنا مو من نفس القبيله يعني مستحييييل يتزوجون منا


هو الثالث بين اخوانه جماله عادي عنده اخوان احلا منه بكثيييير بس هو يتميز بطيبة قلبه لما يتواجد حول الشباب اللي بجيله ومع اخوانه يفحط يضارب مع الأولاد بالمدرسه يهرب من المدرسة وكل شوي كان يستدعون ابوه جذبني بالقصص اللي اسمع عنه كانوا لما يتكلمون عنه او لما يجي اخوي من المدرسه ويقول عبدالله سوى كذا ويضحكون عليه كنت اسكت واحس قلبي يخفق وكأن فيه شي ينسحب من داخل صدري ..كأن انفاسي بتنقطع وروحي بسلمها لربي


وهذا هو حالي كل مااسمع بأسمه او اشوفه


انا عاديه مو جميله مرة محجوزة لولد عمي (اللي ناسيه موضوعه بالمرة ولاعمري فكرت فيه وهذي كانت غلطتي) اغلا وحده بين البنات بالنسبه لأبوي ودلوعته



المهم


انا مااتغطيت الا بثالث متوسط


وقبل لااتغطى كنت دايم برا البيت بس بالشارع مدري ليه امي ماكانت تحشرني بالبيت عاد حنا بنات اول كنا حتىوحنا صغار بالعمر باين علينا حريم مو مثل جيل الحين وابوي كانت امي اذا هاوشتني او قالت لي شي يقول خليها بكيفها



كنت دايم اشوفه لاركب السيارة او طلع يلعب كورة (بالملعب اللي مسوينه جنب بيتهم)كنت اجمد مدري وش يصيرلي

كان هو اول مايطلع يشوفني برا يوقف شوي يناظرني وبعدين يركب السيارة ويدعس ...
عاد انا هنا يبرد وجهي ههههههههه كان نفسي ومنى عيني اسمع صوته ...يابخله بالكلام



مرت علينا شهور على هالحال

قلت فيها طلعاتي لبرا(تأدبت شوي) وركزت على دروسي

وكانت تجي يمي زميلتي بالمدرسه نحل واجبانتا سوا ولما تجي تروح لبيتهم وهي كانت خوافه مره تغصبني اوصلها لنص الطريق لأنها عارفتني مااخاف ارجع لحالي وكنا لما نطلع سوا واشوفه يلعب كورة برا صرت الاحظ انه يطلع من الملعب مدري وين يختفي وفجأة الاقيه عند باب بيتهم يناظرنا ويستناني لحد ماارجع وادخل البيت وبعدين يرجع للملعب

انا كل مااشوفه يسوي كذا بدا قلبي ينغزني منه واخاف مدري ليش هو يسوي كذا


وحتى صديقتي انتبهت ومسكتني مره بالمدرسه وصارت تسألني عنه شسمه ومدري ايش عاد هو كان مشهور بالحاره وتقولي هو عبدالله اللي كذا وكذا معروف انه داشر ومدري ايش انا هنا كنت انقهر وصارت لما تقولي بجيك اليوم اتعذر ماابيها تشوفه ...صرت اغااااار عليه
صرت من الأوائل بالمدرسه واخذ درجات عاليه وبديت انساه(وبديت البس طرحه لاطلعت برا البيت هههه شي اهون من شي ههههه)


بس سبحان الله هو بدا يتعلق فيني



وصار كذا وقف منه من غير مااسمع صوته


مره كنت بالبيت لحالي انا واختي الصغيرة


اختفت اختي مدري وينها جلست ادورها خفت ولبست طرحتي و فتحت باب البيت ادورها بالشارع و شفته جالس عند باب بيتهم ..يدخــــن...(انصدمت فيه من متى بدا يدخن حزنت عليه وتقطع قلبي يقوه)

مالقيت اختي رجعت ونسيت باب البيت مفتوح



ولقيت اختي متخبيه بغرفه من غرف البيت



شوي واسمع فيه طق على باب البيت طلعت والاقي اخوه الصغير قربت له ..مد يده قال امسكي قلت وش امسك واشوف ورقه بيضاء
مااستوعبت مدري وش السالفه ومن غبائي مديت يدي واخذت الورقه منه


قال هذي من عبدالله ويسلم عليك قلت هاااااه لا لا خذها.. وهو يهرب
انا قعدت ارجف
رحت لغرفتي ركض فتحت الرساله
قريتها ..الحين مر على الرساله حوالي15 سنه ناسيه اغلب الكلام اللي فيها بس اللي اتذكره ان كان خطه شيييييين مو حلو ابد ههههههه
يسلم بالرساله ويسأل عن حالي وكاتب انا احبك والله شاهد علي اذا انتي مو معجبك الكلام بالرساله لاتخبرين احد وحاط r a
انا على طول قطعت الرساله ولافكرت احتفظ فيها ولاخبرت احد


ذيك الليله مانمت كويس كنت افكر فيه

اول مافتحت عيوني تمنيت الرساله بيدي واقرا كلامه مره ثانيه وندمت اني قطعتها




مرت الأيام وشوقي له يزيد


صرت بثالث متوسط وابشركم تغطيت وانضبينا بالبيت





وصار موقف ثاني


الصباح نتلبس ونفطر زحمه البيت وبنروح المدرسه طلع اخوي لبرا ورجع قال السيارة خربانه وابوي يبي يمشي لدوامه قال قل لعبدالله يوصلكم انت وخواتك للمدرسه بطريقهم


انا هنا ينفسي قلت مستحيل واحسه شي بقلبي مدري ايش يارب راح اشوفه عن قريب واحس بوجوده قريب عندي مستحييييل


صمعنا صوت بوري عند باب بيتنا قال اخوي يالله مشينا

انا بديت اتنافض شوي واقول خلاص بغيب بس امي راح تشك فيني


ركبن خواتي واخوي ركب قدام عنده انا ركبت اخر شي وحسيت الطريق طويييييل للمدرسة ابي اشوفه ماقدرت من الخوف
ماقدرت ارفع راسي

اناظر لبريك السيارة اشوفه ماسكه باليمين واناظر لدركسون السيارة اشوفه ماسكه بيده الثانيه رفعت راسي قلت خلاص لازم اشوفه بس خسارة كان منزل شماغة مو منسف قلت يووووووه كل هذي نذاله علشان مااشوفه



وصارلنا على هالحال 3 ايام لأن سيارتنا بالورشه وابوي يداوم بدري ومعتبرهم زي اخوي عادي نركب معهم



ماصار أي شي بيننا


بس كان يكفيني احس بقربه


صرت بالثانوي

وهو فصلوه من المدرسه لأنه كان مشاغب جدا شاب من صفه تطاول عليه وسبه وسب اهله عبدالله عاد يعصب بسرعة ضربه وصار الولد ينزف وعبدلله كمان لأن عيال عم الولد تجمعو عليه وضربوه

انا لما سمعت بهالخبر حزنت على حاله والوضع اللي صار فيه يدخن مشاغب مفصول من المدرسة




دخل معهد كمبيوتر واخذ شهاده ودورله ابوه وظيفة ولقاله بدائرة حكوميه براتب كويس

انا بديت انخطب جاني اول واحد ظابط جميل جدا ابوي ردهم قال محجوزة لولد عمها

انا هنا وعيت لولد عمي اللي متوظف بوحده من مناطق المملكة ويستناني اخلص مدرسة ويتزوجني وياخذني لعنده



ياربي بدا الهم يركبني


ماابي اخذ هذا ولاابي ولد عمي وهو مستحيل يتزوجني لأاننا مومن نفس القبيله وعنده ماشاء الله بنات عمه كثار وجميلات جدا بس مغرورات جدا جدا



قلت ماراح اتزوج ابد ابد وبركز على دراستي وابي اوصل لأعلى المستويات وهو ماراح انساه اكيد


جوني خطاب كثير بعد الظابط وكان ابوي يردهم ويقول لولد عمها

صرت بثاني ثانوي جا ولد عمي وجاء اليوم اللي كان كابوس بالنسبة لي

خطبني ابوي على طول وافق ماكان متوقع اني ماابيه وكان بذالك الوقت مافيه البنت تحلل ولاينسأل رايها على طول لو يبون يملكولها يملكون بدون رايها

وقالوا الزواج بعد مااخلص ثالث ثانوي


مااحد علمني من البيت بس كنت حاسه ان فيه شي


طلب ابوي مهر 60الف والذهب كامل لأن ولد عمي كان غني وعنده فلوس هو موظف بشركة مهمه ومن اكبر الشركات بالمملكة



جتني اختى اللي اصغر مني وعلمتني


انهرت وقعدت ابكي بالغرفة هي انصدمت ليش انتي ماتبينه قلت لاا لاا ماابيه ابغى اكمل دراستي(وبقلبي اقول احب عبدالله ومااقدر اعيش مع رجال ثاني وهو يسكن قلبي)





عقدوا قراني على ولد عمي وزواجي بعد ثالث ثانوي على طول

ابوي حسيته بدا يتهرب مني(وانا بقلبي اقول تسوي كذا ببنتك روان اغلا بناتك الله يسامحك يايبه)

كنت حابسة نفسي بغرفتي وابكي ليل ونهار خواتي وصلو الخبر لأمي اني ماابيه وامي وصلت الخبر لأبوي
بس للأسف الكل يتهرب عني مايبون يواجهوني وهذا اللي كسر ظهري وحطمني اكثر



بنهاية الأسبوع اللي صارت فيه ملكتي

رحت بساعة متأخرة من الليل لغرفة امي
ابوي ماكان فيه طقيت الباب ودخلت عليها لقيت اختي المتزوجه عند امي

اختي طلعت

جيت جثيت عند رجول امي وقعدت ابكي ابكي ابكي
بكاء طفلة عمرها 3سنوات


مسكتني امي وضمتني قالت شفيك قلت ماابي اتزوج ليش سويتوا فيني كذا
قالت ليش يابنيتي هذا ولد عمك بيعزك ويصونك وماشاء الله عليه بيعيشك بنعيم


قلت انا ماابي اتزوج ماابي


سكتت قالت بس ابوك وعمك الشايب اكبر عمامك وبيزعل من ابوك



قالت شوفي يابنتي انا مااقدر اقول لأبوك شي
ولابيدي حيله هو يدري انك ماتبينه والشكوى لله


انا هنا تحطمت بزياده


طلعت من غرفتها وانا حاسة اني وحيده غريبة بين اهلي

ابوي عزوتي وسندي بهالدنيا يرميني هالرميه ليييييش


هذا والله اللي كان محطمني اكثر



رجعت لغرفتي بكيت اكثر


اروح للمدرسة شبه انسانه بروح محطمة مااضحك مع صديقاتي مثل اول
ماعندي احد اشكيله

اخت عبدلله جتنا مسيره مره للبيت وتخيلوا جت سلمت علي وتباركلي
يوووه تمنيت تباركلي بزواجي من اخوها مو ولد عمي

وعبدلله اااااه بس كل مااتذكره احس اني بحاجته اكثر من اول وكنت افكر هل هو يدري اني بتزوج ولا لا

هو ماصار بيننا شي كبير بس سبحان الله تعلقنا في بعض


ماصرت اشوفه زي ا ول هو مايجي من دوامه الا الساعة 3 والصبح يطلع الساعة 8 يعني مااشوفه وقت روحتنا او جيتنا من المدرسة


مر 3 شهور على هالحال
مااسولف مع اهلي نزل وزني صرت نحيفة مررره يطلعون مشاوير مااطلع معهم

ابوي يجلس انا اقوم


كنت خايفه احط عيني بعينه وتنزل دمعتي






صرنا بنصف الترم الثاني من ثاني ثانوي




منسدحة على سريري وافكر وطبعا فكره ورا فكرة لحد مادمعتي تطيح وادوخ وانام بس ذيك المره لا

قمت بدون وعي ورحت لمجلس الرجال ودخلت على ابوي

كان يتقهوى

رفع راسه شافني

رميت نفسي عليه وحبيت راسه

قلت تكفى يابيه لا يايبه

قال وش يابعدي

قلت ماابيه ارحمني يايبه



تخيلو قام يبكي معي وانا دافنه راسي بحضنه وماسكه ثوبه وابكي

وصار يمسح دموعي بطرف شماغة



بكييييييت


بكيييييت

من الهم اللي شلته 3 شهور
من الشوق لحظن ابوي الغالي
من الشوق لريحة شماغة


قال كفي دمعتك يابنتي

ويحلها ربك ان شاء الله



طلعت من مجلسه وانا كلي امل بس مادريت اني راح اتسبب بمشاكل كبيرة برفضي لولد عمي
















جاء من اليوم الثاني


صبح ابوي وهو يحمل هم كثر همي

وهو هم عمي الكبير اكبر اخوانه اللي يحترمه كثير

كيف راح يقوله عن بنته اللي رافضه ولده

لما صار الظهر بعد الغداء دق ابوي على عمي

قاله البنت ماتبي الزواج الحين ومن هالكلام


وفجأة طلع صوت ابوي


وجيت اتسمع انا وامي على مكالمتهم

وسمعته يقول لعمي ان بغيت الزواج بالغصب وانا جريت البنت هالحين وجبته لبيتك
بس ماحد يرضى بالغصب والزواج اللي بدون رضى ماهو من صالح ولدك




شوي ويقفل


عمي زعل على ابوي ...ليش اخوي مايقوى على بنته هالبنت قويان راسها

وتدق اخته الكبيرة على امي...بنتك ليش ترفض اخوي وش فيه اخوي
قالت امي اخوك كل بنت تمناه والله يرزقه بغير بنتي والبنت تبي تكمل دراستها

وبدا ينتشر الخبر

والناس بدت تتكلم


احنا بدو وعائلة معروفه وصعبه البنت ترفض ولد عمها
وانا رفضت ولد عمي
والناس تفاجأت
البنات بالمدرسه صارت نظراتهم غريبة لي
حتى صديقاتي
وين مااروح الناس تتهامس حولي
اللي شمتان واللي يحش ويقطع بجلدي واللي يقول كلام ماقلته


حسيت اني مخنوقه متى مامات هم انولد هم جديد
دراستي ماصرت اركز فيها
معلماتي بدو يلاحظون علي

انعزلت عن الناس اكثر من اول
انتهت والله يعطيكم الف عافيه
مستنيه تقاييمكم


_________________

الرجوع الى أعلى الصفحة اذهب الى الأسفل
http://abuawadvip.yoo7.com
ابو اسيل
نائب المدير العام
نائب المدير العام
avatar


الوظيفة :
الهواية :
المزاج المزاج :
عدد المساهمات : 239
العمر : 27
تاريخ التسجيل : 14/05/2011
الدولة :
MMS :

مُساهمةموضوع: رد: قصة بنت مع ابن جيرانهم    السبت مايو 14, 2011 6:07 pm

[ندعوك للتسجيل في المنتدى أو التعريف بنفسك لمعاينة هذه الصورة]

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
قصة بنت مع ابن جيرانهم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ––––•(-• الحيـــاة الادبيـة •-)•–––– :: ღ قٌسمُ القصُصَ والرويـآآآتُ ღ-
انتقل الى:  
الوان
الوان المجموعات

المواضيع الأخيرة
»  علاج السحر _ علاج العين _ للمحبة والقبول _ للجلب والتهييج 0020107518458
الجمعة مارس 21, 2014 10:26 am من طرف abderrachid messaoudi

»  حصريا فيلم الرعب (الغرفة 1408 ) جودة Dvdrip نسخة Rmvb مترجمة
الثلاثاء أبريل 23, 2013 10:14 am من طرف ahmad esmato

» اقوى ترحيب
الأربعاء فبراير 06, 2013 7:58 am من طرف حسساام

» 5 عسل 10 ملاك 15 قمر 20 ملكـ / ـة
الثلاثاء فبراير 05, 2013 2:38 pm من طرف حسساام

» التفاؤل والأمل
الثلاثاء فبراير 05, 2013 2:14 pm من طرف حسساام

»  تعليم اللغة الانجليزية حصريا خطوة بخطوة
الثلاثاء فبراير 05, 2013 1:33 pm من طرف حسساام

»  انا انسان
الثلاثاء فبراير 05, 2013 1:31 pm من طرف حسساام

»  حمل القرآن كاملا بصوت احمد العجمي Mp3 برابط مباشر 327 MB
الجمعة يوليو 06, 2012 12:27 am من طرف chalnark16

»  تحميل الفلم الهندي الشعله مترجم
الجمعة مايو 18, 2012 11:13 am من طرف عامر محمد

المواضيع الأكثر نشاطاً
تحميل الفلم الهندي الشعله مترجم
موقع مشاهدة الأفلام مباشرة
حصريا فيلم الرعب (الغرفة 1408 ) جودة Dvdrip نسخة Rmvb مترجمة
انا انسان
سمكة الخفاش !!
ما هي طريقتك في اخراج غضبك ؟
صورة لمطعم صيني فوق شجرة ... غريبة واول مرة تحصل ...
كل دمعه لها نهاية
قوانين قسم اخبار الرياضة
جفاف الحلد
المواضيع الأكثر شعبية
مسجات حب وعتاب
علاج السحر _ علاج العين _ للمحبة والقبول _ للجلب والتهييج 0020107518458
تحميل الفلم الهندي الشعله مترجم
حمل القرآن كاملا بصوت احمد العجمي Mp3 برابط مباشر 327 MB
الرجل كيف تحبه المراة
من شعر احمد شوقي
مكتبة مشاهدة أفلام هندية .. عشرات الأفلام الهندية للمشاهدة بدون تحميل
فوائد الاسترخاء
تسريحات ناعمه للشعر المدرج
موقع مشاهدة الأفلام مباشرة
أفضل 10 أعضاء في هذا الشهر
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية digg  تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

شارك منتديات ابو عوض

قم بحفض و مشاطرة الرابط على موقع حفض الصفحات