--------------------------------------------------------------------------------
الزوج والزوجة تماماً مثل الكبد والكلى..
الزوج هو الكبد.. والزوجة هي الكلية..
إذا فشل الكبد يحدث فشل كلوي..
بينما إذا فشلت الكلية يتعامل الكبد مع الكلية الأخرى !!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
بعدين ... فيه واحد بيكتب للثاني ما يلي :
لحظه .. قبل لاتطلب البعد وتغيب
وتنهي معايه مرحله من حياتك
اخذ .. الهدايا . والصور . والمكاتيب
دامي خسرتك ما ابي ذكرياتك
يمكن يكون فراقنا راي(ن) مصيب
خيره كتبها الله جتني وجاتك
مع اني ادري انت ماعنك تجنيب
كنك موصيني .. وقاضب وصاتك
رح .. واترك بقلبي لك اربع معازيب
معزتك ، طاريك ، إسمك ، غلاتك
ياصاحبي .. لاصرت أغلا الاصاحيب
لاتزعل بكيفك وتطلب رضاتك
اكبر مصيبه في زمان العذاريب
اني احبك .. وانت حبك لـذاتك
الطيب لو انك تجازيه بالطيب
مكان تال الطيب هذي سواتك
ان شفتني .. اجمع شتاتي ماهو عيب
باكر مع الايام تجمع شتاتك
وان شفتني .. شايل جروح(ن) معاطيب
باجر يكون الجرح ابرز صفاتك
قلبي .. عوا من دونه الذيب لـذيب
وصوَت له يا قلب دوَر غناتك
ياقلب .. دامك صرت ضمن المصاويب
اسمع كلامي قبل تشمت عداتك
ماعاد ينفع .. يمكن تصيب وتخيب
ابكل بساطه .. مركب الحب فاتك!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
المزاج
موضوع: الزوج والزوجة 
الإثنين مارس 07, 2011 6:55 pm
